Dinc adara, los fichiers son estats produits per bocas gasconas...
Aquò explica la prononciacion gascona qu'auratz entenuda. Per
exemple, prononciats per provençaus, los "v" e los "r" serén
diferents.
Aquesta pagina es en construccion ; i podetz participar en beth
senhalar-me las errors, d'autes
prenoms, o tota informacion o avís utiles.
Mercés dejà a Joan-Loïs Lévêque, Gianni Vacca, Joan-Francés Blanc, Matias
Vandenbossche, Joan-Miquèu Espinasse, Miquèu Grosclaude, Crestian
Rapin...
Femenin/masculin
Levat quauques uns (Alienor, Esclarmonde, Lutz...), los prenoms femenins
que s'arreconeishen par la loa terminason "a".
Botar un "a" finau permet donc sovent de hargar ("forger") un prenom feminin
a partir d'un prenom masculin.
Lo contrari, hargar un nom masculin a partir d'un nom femenin, se pòt
tanben imaginar : Plasença -> Plasenç ; Sobirana -> Sobiran,
etc....
Diminutius
Pareish tanben que los occitans aimavan redde los diminutius o autas derivacions
; a partir d'un prenom, se'n pòt sovent formar d'autes, en
ajustar las terminasons -et(a), -on(a), -in(a), -òt(a), -ic(a)...
Véser, per exemple, dins la lista, Arnaut, Peir...
Las Edicions "Princi Negre" publiquèn un libe d'A. Lieutard
: "Prenoms occitans".
D'ont venguen los prenoms ?
deu preciós "Petit Dictionnaire Français/Occitan
(Béarn)" (Edicions Per Noste / La Civada, 1984, ISBN 2-86866-000-2
e 2-905210-00-1) ;
de la pagina deus
QUAUQUES NOMS OCCITANS
DE L'EDAT MEJANA, pagina realisada per Gianni Vacca, passionat
per l'epòca deus trobadors ;
deu "Dictionnaire étymologique des noms de famile gascons"
de las Edicions Radio-País (Lescar, Biarn) (1992) ;
de contribucions de las personas qu'arremercii dins aquesta pagina ;
de las mias coneishenças e investigacions personalas. Que comenci
a espiar sus cartas geograficas los noms de sants : normalament, poderen
servir coma prenoms occitans. Atencion, totun, damb sants coma Sent Cric,
Sent Gòr o Sent Nectari, a l'aplication deu criteri de non-estranhetat
(veser aici-après) !
Criteris de seleccion :
Criteri de diferencia : son pas raperats los prenoms occitans qui existissen
tanben en francés (ex: Gui, Maria).
Criteri de non-estranhetat : son pas raperats los qui, sortits de l'Edat
Mejana, e'm pareishen un pau estranhs end'un public moderne e francisat (ex
: Ot, Longabruna, Guerriera...).
Pagina escrita en occitan, dialecte gascon.
Darrèra actualisacion : 29/01/03